Алматыдағы мемлекеттен дотация алатын жекеменшік балабақшалардың иелері отырған ғимратын жалға алу туралы шартты қалалық білім басқармасы тіркеуді талап етіп жатқанына наразы. Олар бұл туралы Ашық диалог порталында жазған болатын. Қалалық білім басқармасының талабы қаншалықты заңды және бұл жекеменшік балабақшалардың жаппай жабылуына әкелмей ме? Бұл туралы Informburo.kz тілшісі Оқу-ағарту министрі Асхат Аймағамбетовтен сұрады.
"Балабақшаларды тіркеу керек пе, жоқ па? Тіркеу керек. Егер бір адам балабақша ашып, өтінішін берсе, білім басқармасы оған бюджеттік қаражатты бере отырып, "Балалар баратын ғимараттың құжаттары бар ма?" деп сұрауы керек пе, жоқ па? Жауап та дәл осындай", – деп жауап берді министр сауалға.
Читайте также:
- Алматыда тұрғын үй құрылысының қарқыны мектеп, балабақша және емхана салудан үш есе жоғары
- Балабақшалар 2023 жылдан бастап білім беру сапасын өздері бағалай алады
- Балабақшаларда сабақ кестесі болмайды
Еске салайық, Алматыда үздіксіз білім беру қауымдастығының өкілдері жекеменшік балабақшалар қызметін лицензиялауға қарсылық білдірген болатын.
Кәсіпкерлер бар іске лицензия алу – бизнесті басынан бастаумен бір екенін айтады. Яғни, жекеменшік балабақша иелерінің кәсібін дөңгелетуге онсыз да рұқсаты бар. Айтуынша, басым бөлігінде жұмыс істеуге қажетті жағдай жасалған. Қауіпсіздік, санитарлық талаптар сақталған. Бірақ, кейбір мектепке дейінгі білім беру орталықтарында заңбұзушылықтар болды екен деп бәрін бірдей міндеттеу – адам құқығын таптау деп отыр.
