Жәнібек – Дэнни жекпе-жегін "Хабар" арнасы көрсетеді

20 мамыр 2022, 16:10 Авторға хат жазу قازاقشا Qaz

Бокс шоуы 22 мамыр күні сағат 07:00-де эфирге шығады.

Қазақстандық Жәнібек Әлімханұлы мен ұлыбританиялық боксшы Дэнни Дигнумнің жекпе-жегі 22 мамыр күні сағат 07:00-де "Хабар" арнасынан көрсетіледі. Бұл туралы арнаның баспасөз қызметі хабарлады.

Qazaq style атымен танылған Жәнібек Әлімханұлы бокстағы кезекті кездесуінде WBO тұжырымы бойынша орта салмақтағы уақытша әлем чемпионы атағы үшін жұдырық түйістіреді. Жекпе-жек Лас-Вегас қаласындағы "Resorts World" аренасында өтеді.

"Жәнібек Әлімханұлы үшін бұл маңызды жекпе-жек болмақ. Ол белгілі промоутер Боб Арумның қол астында алғашқы марапатты жеңіп алуға мүмкіндік алып отыр. Боксшының Дэнни Дигмуммен болатын кездесуде өзінің шеберлігін көрсетуге зор мүмкіндігі бар", – деді "Хабар" агенттігі спорттық трансляциялар және бағдарламалар бөлімінің басшысы Аскат Жақаев.

Оқи отырыңыз: Жәнібек Әлімханұлы мен Дэнни Дигнум жекпе-жегі 21 мамырда өтеді