"Хабар" агенттігін енді "Самұрық-Қазына" қоры қаржыландыруы мүмкін

Қаулы жобасына сәйкес, мемлекет басшысы бұған сәуір айында келісім берген.

Ашық НҚА порталында Ақпарат және қоғамдық даму министрлігі әзірлеген Үкімет қаулысының жобасы жарияланды. Оған сәйкес, енді "Хабар" агенттігін "Самұрық-Қазына" ұлттық әл-ауқат қоры қаржыландыруы мүмкін.

Қаулы жобасының түсіндірме жазбасына сәйкес, бұл бастама жүзеге асса, бұл "Хабар" агенттігінің рейтингін көтеруге, мемлекеттік ақпараттың саясатты іске асыру сапасын арттыруға көмектеседі. Сондай-ақ, агенттіктің коммерциялық кірісі де артады деп болжам жасалған.

"2022 жылғы 13 сәуірдегі № 22-2314 бұрыштамаға сәйкес ҚР президенті "Самұрық-Қазына" ұлттық әл-ауқат қоры" акционерлік қоғамының "Хабар" агенттігі" акционерлік қоғамын қаржыландыруына келісімін береді", – делінген қаулы жобасының түсіндірме жазбасында.

Қаулы жобасы Ашық НҚА порталында 2023 жылғы 9 қаңтарға дейін қоғам талқысына ұсынылған. 


Оқи отырыңыз: 


 

Жаңалықты жарнамасыз оқыңыз. iOS және Android жүйесіне арналған informburo.kz мобильді қосымшасын жүктеңіз.

Тарату:

  Егер мәтінде қате болса, оны белгілеп, Ctrl+Enter батырмасын басыңыз

  Егер мәтіндегі қатені смартфонда көрсеңіз, оны белгілеп, «Қатені хабарлау» батырмасын басыңыз

Біздің Telegram-каналдағы ең көп оқылған жаңалықтар

Серіктестер жаңалықтары