Алматы қаласының әкімі Ерболат Досаев Wildberries негізін қалаушы Татьяна Бакальчукпен кездесіп, логистикалық орталықтың құрылысын талқылады. Халықаралық маркетплейс құрылысқа шамамен 100 млн доллар құюды жоспарлап отыр, деп хабарлады қала әкімдігі.
Жоба алматылық кәсіпкерлерге бизнесін онлайн-сауда нарығында кеңейтуге мүмкіндік береді. Татьяна Бакальчуктың айтуынша, логистикалық орталықтың құрылысы қазақстандық өндірушілер үшін Wildberries-пен айналысатын барлық өңірдегі нарыққа автоматты түрде жол ашады. Алаңда қазақстандық өндірушілердің өнімі ұсынылған және жақын арада ассортимент көбейеді.
"Бұл жергілікті және шетелдік инвестор үшін де бизнес жүргізуге қолайлы жағдай жасауға қосымша мүмкіндік", – деді әкім Ерболат Досаев.
Оқи отырыңыз: Aliexpress-тен қалай салық төлемей зат сатып алуға болады? Өзекті 10 сұраққа жауап
Келіссөздер соңында тараптар өзара түсіністік және ынтымақтастық туралы меморандумға қол қойды.
