"Ұстаздық қызметіне адалдығы үшін". 25 жыл тәжірибесі бар педагогтерге Құрмет белгісі беріледі

23 тамыз 2022, 13:53 Әсел Сарқыт Авторға хат жазу قازاقشا Qaz

"АшықНҚА" сайтында бұйрық жобасы жарияланды.

25 жыл еңбек өтілі бар педагогтерге "Ұстаздық қызметіне адалдығы үшін" Құрмет белгісі берілуі мүмкін. Бұл туралы "Білім және ғылым министрлігінің салалық көтермелеу жүйесін бекіту туралы" заңына толықтырулар енгізу туралы құжатта жазылған.

"Ұстаздық қызметіне адалдығы үшін" Құрмет белгісі мектепке дейінгі білім беру ұйымдарының, орта (бастауыш, негізгі орта, жалпы орта), техникалық және кәсіптік, орта білімнен кейінгі білім беру ұйымдарының, мамандандырылған, арнайы білім беру ұйымдарының, жетім балалар мен ата-анасының қамқорлығынсыз қалған балаларға арналған білім беру ұйымдарының, педагогикалық білімі бар қосымша білім беру ұйымдарының 25 жыл еңбек өтілі бар педагогтеріне беріледі ", – делінген бұйрық жобасында.

Жария талқылау "Ашық НҚА" сайтында 2022 жылғы 5 қыркүйекке дейін жалғасады.

Оқи отырыңыз: Біліктілігін арттырған ұстаздар емтиханнан құласа, сертификат берілмейді