"Ұмай" әйелдер ипотекасының жаңа шарттары 29 наурыздан бастап қолданысқа енеді. Бұл туралы "Отбасы банк" АҚ баспасөз қызметі хабарлады.
Бағдарламаға қатысу үшін отбасының айлық табысы (күйеуі мен әйелінің) немесе несие алушының бір айдағы кірісі 320 мың теңгеден аспауы тиіс болса, енді ол екі есеге артып, 640 мың теңгені құрайды.
"Енді отбасы табысы 550 000 теңгеге дейін болса, несие тұрғын үйді бағалау құнының 85 пайызы мөлшерінде, ал 640 000 теңгеге дейін болса, 80 пайызы мөлшерінде беріледі" делінген хабарламада.
"Ұмай" ипотекасын алу үшін бастапқы жарна – тұрғын үй құнының 15 пайызын құрайды. Оны бірден сатушыға төлеуге болады. Мөлшерлеме 12 пайыздан басталып, кейін 3,5 пайызға дейін төмендейді. Несиелеу мерзімі – 25 жылға дейін. Мысалы, несие 14 жылға рәсімделсе, алғашқы 10 жылда мөлшерлеме 12%-ды, қалған 4 жылда 3,5%-ды құрайды.
Оқи отырыңыз:
- "Бір аптада баспаналы болдық": Әйелдерге арналған "Ұмай" ипотекасы несімен ұтымды?
- Қазақстанда 5 пайыздық ипотекаға қалай қол жеткізуге болады?
- "Шаңырақ", "Ұмай", "Жас отбасы". 2022 жылы баспаналы болудың жеті жолы
