Ұлттық академиялық кітапхана басшысы Ғазиза Құдайберген Aiqyn басылымына берген сұхбатында Қазақстандағы кітапханашылардың мәселесін көтерді. Оның айтуынша, Қазақстанда кітапхана туралы заңның болмауы кітапханашылардың мәртебесін көтеру мәселесінде үлкен кедергі болып отыр.
"2022 жылы мереке алғаш рет тойланды. Бұл мереке кітапханашының мәртебесін көтереді. Дегенмен бізде кітапхана туралы заң жоқ. Кітапхана туралы заң қабылданса немесе "Мәдениет туралы" заңның ішіндегі кітапхана туралы бөлікке өзгерістер мен толықтырулар енгізілсе, кітапханашының мәртебесі көтерілер еді. Мәртебе көтерілуі үшін ең бірінші жалақысы жоғары болуы керек", – деді Ғазиза Құдайберген.
Оқи отырыңыз:
- 10 онлайн кітапхана. Қалаған кітапты үйден шықпай-ақ қалай оқуға болады?
- "Жартылай кітапхана, жартылай мұражай". Қазақ мектебінің ұлттық моделі қандай болуы тиіс?
Ұлттық академиялық кітапхана басшысы, сондай-ақ Қазақстанда кітапханашыларды дайындауда да мәселе көп екенін айтты.
"Кітапханашылардың негізгі құрамын Алматыдағы Қыздар педагогикалық университеті дайындайды. Бірақ, биыл кітапханашы мамандығына өте аз грант бөлінді. Қазір кітапханашыларды дайындайтын маман жетпейді. Оған қоса, кітапханашыларды заман талабына сай дайындауымыз керек. Мәсалы, әлеуметтік желі қарқынды дамып жатыр. Бұл саланы игеру үшін кітапханашы әрі SMM маман, әрі мобилогроф, әрі фотограф та болуы керек. Сосын кітапханашыларды "Болашақ" бағдарламасымен шетелде тәжірибе алмасуына жағдай жасауымыз қажет", – деді кітапхана басшысы.
