Ұлттық ұлан сарбазы дауыл кезінде қайтыс болды

Ұлтық ұланның "Оңтүстік" өңірлік қолбасшылығының баспасөз қызметі 19 жастағы қатардағы жауынгердің қазасы туралы хабарлады. Ол дауыл кезінде сарбаздарға шатырлы қалашықтан шығуға көмектесіп жүріп, шатырдың металл қаңқасына басын жаралап алған.

"9 тамызда сағат 20:55 шамасында қатты дауыл басталып, желдің күші шатырларды қирата бастады. Қатардағы жауынгер А.Н.Шахимов өзге сарбаздармен бірге жеке құрамның қауіпсіз жерге шығуына бірінші кезекте көмек көрсеткен. Қауіпті жерден соңғы болып шығып жатқанда олның басын желмен ұшқан шатырдың металл қаңқасы жаралап өткен.  соңғы болып шыққан. Сол сәтте металл қаңқа оның басын жаралады. Срабазға алғашқы көмек көрсетіліп, Қонаев қаласының ауруханасында жеткізілгенімен, ол осы жерде қайтыс болды" делінген Ұлтық ұланның "Оңтүстік" өңірлік қолбасшылығының ресми хабарламада. 

Шахимов 2003 жылы туған. Әскерге 2022 жылдың көктемінде Ақмола облысы Көкшетау қаласының қорғаныс істері жөніндегі департаменті арқылы шақырылған. Аталған факті бойынша себептері мен мән-жайлары анықталуда, қызметтік тергеу жүргізілуде.

Айта кетейік, Алматыда жедел мақсаттағы бірінші батальонның жеке құрамы 8-13 тамыз аралығында далалық жаттығуда болған. 

---

Оқи отырыңыз: Тағы екі сарбаздың өлімі: Қазақ армиясы неге мәйітханаға айналып барады?

---