"Үркер" ұлттық сыйлығына өтінім қабылдау басталды

Өтінімдер 2022 жылғы 30 қыркүйектен бастап 19 қазанға дейін қабылданады.

Баспа, радио, интернет-журналистика саласындағы үздіктерді анықтау үшін URKER – 2022 Ұлттық бәйгесіне өтінім қабылдау басталды, деп хабарлады Ақпарат және қоғамдық даму министрлігі.

Республика аумағында медиаконтент өндіретін және тарататын республикалық және өңірлік радиостанциялар, баспа және интернет-басылымдар бәйгеге қатыса алады.

Өтінімдерді 30 қыркүйектен бастап 19 қазанға дейін қабылданады.

Конкурстық жұмыстар 2021 жылғы 2 маусым мен 2022 жылғы 29 қыркүйек аралығында басылымда не интернет-ресурста жариялануы немесе радиоэфирде шығуы тиіс. Әр үміткер бәйгенің тек екі номинациясына қатысуға құқылы.

  • Өтінімдер urker-awards.kz ресми сайтында 10 номинация бойынша қабылданады:
  • Жылдың үздік сұхбаты;
  • Жылдың үздік репортажы;
  • Әлеуметтік тақырыптағы үздік материал;
  • Жылдың үздік журналистік зерттеуі;
  • Жылдың үздік аналитикалық материалы;
  • Халықаралық тақырыптағы үздік материал;
  • Жылдың үздік жаңалықтар порталы;
  • Радиостанциядағы үздік жоба;
  • Жылдың үздік фотосуреті;
  • Үздік өңірлік БАҚ.

Оқи отырыңыз: Тоқаев: БАҚ туралы заңды қайта қарау қажет


Арнайы премиялар:

  • Ахмет Байтұрсынов атындағы арнайы премия (баспа БАҚ-тағы жоба);
  • Шерхан Мұртаза атындағы арнайы премия (авторлық жоба);
  • Батыр Қазыбаев атындағы арнайы премия (интернет БАҚ-тағы жоба).

Жұмыстарды құрамына беделді журналистер, саланың еңбек сіңірген қайраткерлері мен медиасараптаушылар кіретін сыйлықтың тәуелсіз қазылар алқасы бағалайтын болады.

Конкурс қорытындысы бойынша әр номинацияның үздік өкіліне жеңімпаз атағы беріліп, URKER - 2022 естелік мүсіншесі және 1 000 000 теңге мөлшеріндегі ақшалай сый табысталады.

 

Читайте новости без рекламы. Скачайте мобильное приложение informburo.kz для iOS или Android.

Поделиться:

 Если вы нашли ошибку в тексте, выделите её мышью и нажмите Ctrl+Enter

 Если вы нашли ошибку в тексте на смартфоне, выделите её и нажмите на кнопку "Сообщить об ошибке"

Популярное в нашем Telegram-канале

Серіктестер жаңалықтары