Түркістандағы жаңа музыкалық драма театры Дулат Исабековтың "Бөрте" қойылымымен ашылады

Қойылымның алғашқы көрсетілімі 9-10 және 16-17 қазанға жоспарланып отыр.

Түркістанда жаңа муызкалық театр Дулат Исабековтың "Бөрте" қойылымымен ашылады. Спектакльдің режиссері – 22 жылдық тәжірибесі бар италиялық маэстро Давиде Ливермор, музыкасы Хамит Шаңғалиевке тиесілі.

"Қойылымда көрерменге иммерсивті әсер беретін озық техникалық және креатив шешімдер кеңінен қолданылатынын ерекше атап өткізім келеді. Декорация мен реквизиттердің шынайылығы, сахна киімдерінің тартымдылығы сізді жарты әлемді жаулаған Моңғол империясының XIII ғасырдың атмосферасына сүңгітіп, Шыңғыс ханның жұбайы Бөрте ханымның өмірімен жақынырақ танысуға жол ашады" – деп жазды кино және театр актрисасы Алтынай Нөгербек.

Қойылымда басты рөлдерді Айя Шәріп, Ақбота Қаймақбаева, Нұркен Өтеуілов, Еркебұлан Дайыров, Лейло Бекназар-Ханинга, Әділ Ахметов, Алмахан Кенжебекова, Алихан Идрышева, Ержан Нұрымбет, Нартай Сауданбекұлы, Қонысбек Бегайдаров, Зәмзәгүл Бегайдарова, Алтынай Нөгербек, Азамат Чукеев, Толқын Нұрбекова, Әшім Ахметов, Қуаныш Қонысбеков, Әйгерім Қайратқызы және басқалар ойнайды.

Жаңалықты жарнамасыз оқыңыз. iOS және Android жүйесіне арналған informburo.kz мобильді қосымшасын жүктеңіз.

Тарату:

  Егер мәтінде қате болса, оны белгілеп, Ctrl+Enter батырмасын басыңыз

  Егер мәтіндегі қатені смартфонда көрсеңіз, оны белгілеп, «Қатені хабарлау» батырмасын басыңыз

Серіктестер жаңалықтары