Тоқаев Қазақстанның елшілері құрамында өзгерістер жасады

Мемлекет басшысы Қазақстанның бірқатар елдегі елшілерін ауыстырды, деп хабарлады Ақорданың баспасөз қызметі. 

Атап айтқанда: 

• Алмас Сейтақынов Қазақстанның Моңғолиядағы төтенше және өкілетті елшісі лауазымына тағайындалды; 
• Сергей Викторов Қазақстанның Шри-Ланка демократиялық социалистік республикасындағы төтенше және өкілетті елшісі лауазымына тағайындалды; 
• Қазақстанның Швеция корольдігіндегі төтенше және өкілетті елшісі Олжас Сүлейменов Қазақстанның Дания корольдігіндегі төтенше және өкілетті елшісі қызметін қоса атқарушы лауазымына тағайындалды.

Сондай-ақ, мемлекет басшысының жарлығымен Ғабит Қойшыбаев Қазақстанның Моңғолиядағы төтенше және өкілетті елшісі лауазымынан босатылды.

Оқи отырыңыз: Италия премьер-министрі Қазақстанға ресми сапармен келеді