Президент Қасым-Жомарт Тоқаев кей азаматтың ел атауын өзгерту туралы ұсыныс білдіргенін айтты.
"Кейбір азаматтарымыз референдум кезінде мемлекеттің атауы да өзгеруге тиіс еді деген пікір айтып жүр. Олар "Қазақстан" атауындағы "-стан" сөзін елімізге де, бүкіл Азияға да жат ұғым деп санайды. Мұны да қисынды деп айтуға болмайды. Себебі, әлемде дәл осындай Пәкістан, Үндістан, Ауғанстан және Орталық Азия мемлекеттері бар", – деді мемлекет басшысы.
Президенттің айтуынша, Қазақстан Республикасы атынан 30 жыл ішінде көптеген халықаралық келісімшарттарға қол қойып, мемлекеттік шекарасын бекітті.
"Осындай жағдайда мемлекетіміздің атауын өзгерту жауапсыз шешім болар еді. Бұл – ең алдымен, ұлттық қауіпсіздігімізге және халқымыздың бейбіт өміріне тікелей әсері бар өте маңызды мәселе", – деді Қасым-Жомарт Тоқаев.
Оқи отырыңыз: Тоқаев "Қазақмысты" Ұлытау облысын дамытуға белсенді атсалысуға шақырды