Тоқаев Әулиетаудың етегінде Мемлекеттік рәміздер алаңын ашуды тапсырды

Мемлекет басшысы Таңбалы тастағы қастерлі жазулардың бүлінгеніне тоқталды.

Президент Ұлытауға ескерткіш қойып, тастағы таңбаларды жаңғыртудың жеткіліксіз екенін атап өтті. Осы орайда, ол Әулиетаудың етегінде Мемлекеттік рәміздер алаңын ашуды қолға алу қажеттігін айтты. 

"Ұлттық құрылтайдың Ұлытауда басталғаны дұрыс болды. Киелі өлкеміз Жаңа Қазақстанды құру жолындағы бірліктің символына айналды. Осы орайда, мен тағы бір маңызды бастама көтергім келеді. Бұл жерде барлық рулардың таңбасы тасқа жазылған. Сол арқылы бабаларымыз ұлт бірлігін көрсеткен. Қаныш Сәтбаев "Еліміздің ту тіккен жері – Таңбалы тас" деген. Өкінішке қарай, қастерлі жазулар кейін әбден бүлінді. Ел азаматтары Ұлытауға ескерткіш қойып, тастағы таңбаларды жаңғыртты. Бірақ, бұл жеткіліксіз деп ойлаймын. Мұнда қазақтың бірлігін әйгілейтін сәулетті нысан тұруы керек. Мен Әулиетаудың етегінде Мемлекеттік рәміздер алаңын ашуды тапсырамын. Қасиетті өңірде көк байрағымыз асқақтап тұруға тиіс. Сол арқылы ұрпақтар сабақтастығы жалғасып жатқанын көрсетеміз. Тамыры терең мемлекеттігіміздің жаңа дәуірі басталғанын білдіреміз", – деді мемлекет басшысы. 


Оқи отырыңыз: Әлихан Бәйменов Qazaqstan мен "Хабарды" қоғамдық телеарнаға айналдыруды ұсынды


 

Читайте новости без рекламы. Скачайте мобильное приложение informburo.kz для iOS или Android.

Поделиться:

 Если вы нашли ошибку в тексте, выделите ее мышью и нажмите Ctrl+Enter

Серіктестер жаңалықтары