Тікелей эфир

Тоқаев: Астана азық-түлікті Алматыдан 4 есе, ал Шымкенттен 2 есе аз өндіреді

Президенттің айтуынша, Астана барлық өңірлермен салыстырғанда соңғы орында тұр.

Астанада инфляция деңгейі өте жоғары. Бұл жөнінде мемлекет басшысы Қасым-Жомарт Тоқаев елорданы дамыту мәселелері жөніндегі кеңес отырысында айтты.

"Қаладағы өте өзекті мәселе – инфляцияның жоғары болуы. Былтырғы жылдың қорытындысы бойынша бағаның қымбаттауы 23 пайызға жеткен. Бұл – республикадағы ең төменгі көрсеткіштердің бірі. Астанада азық-түлік бір жылда орта есеппен 25 пайызға қымбаттады. Әкімдік тұрақтандыру қорында резерв жинауды қойып, "айналым схемасы" аясында сауда желілеріне жеңілдікпен займ беруге көшті. 14 миллиард теңге бөлінді. Бұл – өңірлер арасындағы ең жоғары көрсеткіш. Қабылданып жатқан шаралардың тиімсіз екені анық. Жылдар бойы елорданың айналасында азық-түлік белдеуін дамыту туралы айтылды, Бірақ жұмыс орындалмады", – деді президент.

Мемлекет басшысы Астана азық-түлікті Алматыдан 4 есе, ал Шымкенттен 2 есе аз өндіретінін атап өтті.

"Жалпы, барлық өңірмен салыстырғанда қала бұл көрсеткіш бойынша соңғы орында тұр. Кейінгі 8 жылда елордаға әкелінген азық-түлік импорты 3 есеге артты. Негізінен осы жерде шығаруға болатын өнімдер туралы сөз болып отыр. Бұл ретте жергілікті қайта өңдеу кәсіпорындары тек жарым-жартылай жұмыс істеп тұр", – деді президент.

Қасым-Жомарт Тоқаев жағдайдың қиындауына көкөніс сақтайтын қойманың жетіспеуі себеп болғанын айтты. Сондықтан 2025 жылға дейін қалада 13 мың тоннадан астам көкөніс сақтайтын қойма салуды, Ауыл шаруашылығы министрлігіне Астана қаласы мен Ақмола облысының әкімдіктерімен бірлесіп, елорданың айналасында азық-түлік белдеуін қалыптастыру жөнінде пәрменді шаралар қабылдауды тапсырды.


Оқи отырыңыз: Тоқаев: Үкімет пен Ұлттық банк 2023 жылы инфляцияны ауыздықтауы тиіс


Сондай-ақ Қасым-Жомарт Тоқаев отырыста Астананың көлік жүйесі, қала жолдарының жай-күйі, қоғамдық көлік жүйесі, құрылыс, абаттандыру жөнінде бірқатар тапсырма берді.

Біздің Telegram-каналдағы ең көп оқылған жаңалықтар
Серіктестер жаңалықтары