Халықаралық кинология федерациясына қазақы ит тұқымдарын әлемдік деңгейде тану туралы өтінім берілді. Бұл туралы орталық коммуникациялар қызметінде өткен баспасөз мәслихатында "Қазақстан кинологтар одағының" президенті Бауыржан Серікқали мәлімдеді.
Кездесуде Қазақстан кинологтар одағы Халықаралық кинология федерациясына мүшелікке өту жөнінде ресми өтініш тапсырды. Бұл мәселе алдағы 21-22 тамызда Женева қаласында өтетін федерацияның бас ассамблеясында шешіледі деп жоспарланған.
". Биыл қайта жасақталған кинологтар одағы сан жыл бойы қордаланып қалған бұл проблеманы бірінші кезекте шешуге бел буып отыр", – деді Бауыржан Серікқали.
Оқи отырыңыз: Қазақы тазы мен төбеттің стандарты әзірленді
Мемлекет басшысы тазы-төбеттің қазақы ит тұқымына тиесілі екенін халықаралық деңгейде дәлелдеуге, арнайы заң қабылдауға тапсырма берген болатын.
"Өткен жылдан бері біраз жұмыс жүзеге асты. Ведомствоаралық жұмыс тобы құрылып, арнайы заң қабылданды. Тазы-төбет мәселесімен айналысатын құзыретті орган ретінде экология және табиғи ресурстар министрлігі белгіленді", – деді Бауыржан Серікқали.
Оқи отырыңыз: "Таза қандылары қалмады". Сұлтан Ибрагимов төбетті көбейту жұмыстарының қалай жүріп жатқанын айтты
