Бұл жұмысқа радиациялық, химиялық және биологиялық қорғаныс бөлімшелерінің қызметкерлері жұмылдырылған. Әскерилер тасқын шайған бес мыңнан астам гектар жерді дезинфекцияламақ, деп хабарлайды 31 арнаның Информбюро ақпараттық бағдарламасы.
Қазір су тартылған жерлерге 16 техникамен препарат сеуіліп жатыр. Арнайы қоспаның адамның денсаулығы мен малға еш зияны жоқ. Мамандар зират пен кәріз құдықтарының аумағын да залалсыздандырды.
Айта кетейік, өңірде қызыл судың кесірінен өлген малдың өлекселері толық өртелді.
Оқи отырыңыз: Шарлапаев су тасқынынан зардап шеккендерге арналған жаңа баспана туралы: Сатып алу салуға қарағанда жылдамырақ
"Жұқпалы аурулардың, оның ішінде ішек аурулары бірінші кезекте. Соларды жұқтыруы мүмкін. Аурулардың таралуын алдын алу мақсатында осы су тасқынынан кейінгі шаралар жүргізілуде. Сонымен қатар, Ақтөбе қаласы бойынша сумен жабдықтау объектілері біздің қадағалауымызда екенін айтып өткім келеді. Су тасқыны кезінде бұл объектілердің су көздерін су басқан жоқ", – деді Ақтөбе облыстық санитариялық-эпидемиологиялық бақылау департаментінің бөлім басшысы назима Сербаева.
