Тамара Дүйсенова еңбек және халықты әлеуметтік қорғау министрі болып тағайындалды

11 сәуір 2022, 11:48 Нұрболат Аманжол Авторға хат жазу قازاقشا Qaz

Ол президенттің көмекшісі қызметінен босатылды.

Тамара Дүйсенова еңбек және халықты әлеуметтік қорғау министрі болып тағайындалды. Бұл туралы Ақорда сайты хабарлады.

"Тамара Босымбекқызы Дүйсенова Қазақстан Республикасының еңбек және халықты әлеуметтік қорғау министрі болып тағайындалсын, ол Қазақстан Республикасы президентінің көмекшісі – Қазақстан Республикасы Президенті әкімшілігінің өтініштерді қарауды бақылау бөлімінің меңгерушісі лауазымынан босатылсын" делінген президент жарлығында.

Еске салайық, Тамара Дүйсенова аталған министрлікті бұған дейін де басқарған болатын:

10 маусым 2013 жыл – еңбек және халықты әлеуметтік қорғау министрінің міндетін атқарушы;
27 маусым 2013 жыл – еңбек және халықты әлеуметтік қорғау министрі;
6 тамыз 2014 жыл – денсаулық сақтау және халықты әлеуметтік қорғау министрі;
25 қаңтар 2017 жыл – 9 ақпан 2018 жыл – еңбек және халықты әлеуметтік қорғау министрі.