Географиялық көрсеткіш мәртебесін беруге болатын 13 жаңа тауар атауы Әділет министрлігінің қарауында. Бұл туралы Ұлттық зияткерлік меншік институтының басшысы Ербол Оспанов мәлімдеді.
Қазіргі таңда Қазақстанда тек бес ұлттық географиялық көрсеткіш тіркелген: Түркістан балмұздағы, Түркістан шоколады, Алматы апорты, Қарағанды балмұздағы және Сайрам кексі.
Ербол Оспанов тағы 13 тауар позициясы қарастырылып жатқанын, оларға географиялық көрсеткіш мәртебесі берілетінін айтты. Оның ішінде Алматы облысынан Талғар алмұрт, Нарынқол картоп, Арал сабыны, Қызылорда тұзы мен өрік бар.
Оқи отырыңыз: Қазақтың "Адай" жылқысының қасиеті заңды түрде бекітілді
"Біз аймақтармен белсенді жұмыс істеп жатырмыз және жыл соңына дейін мойындалған географиялық белгілердің саны айтарлықтай артады деп күтудеміз. Бұл бастаманың еліміздің инвестициялық тартымдылығы мен танылуын арттыру, сондай-ақ өнімдерімізді әлемдік нарықтарға шығару үшін үлкен маңызы бар", – деді Оспанов.
