Тікелей эфир

Шымкентте мемлекеттік рәміздерді насихаттауға арналған байқау жеңімпаздары марапатталды

Азаматтық ресурстық орталығында Мемлекеттік рәміздердің 30 жылдығына орай өткізілген іс-шаралар қорытындысы бойынша дөңгелек үстел болды.

Жиынға қалалық ішкі саясат және жастар істері жөніндегі басқармасының бөлім басшысы Серғазы Әбілхайыров, Шымкент қаласы Азаматтық альянсының төрағасы Жұмағали Білісбеков, "Серпіліс" қоғамдық бірлестігінің жетекшісі Бейсенкүл Нарымбетова, әлеуметтік жоба жеңімпаздары және үкіметтік емес ұйымдардың мүшелері қатысты.

Қалалық ішкі саясат және жастар істері жөніндегі басқармасының бөлім басшысы Серғазы Әбілқайыров биыл Мемлекеттік рәміздердің 30 жылдығы кең көлемде аталып өткенін айтып, іс-шаралардың маңызына тоқталды. 

"Мемлекеттік рәміздерді ұлықтай білуіміз керек. Іс-шаралардың негізгі мақсаты – Тәуелсіздік құндылықтары, мемлекеттік рәміздерді насихаттау, жастарды патриоттыққа тәрбиелеу, мемлекеттік рәміздерге деген құрметті қалыптастыру. Биылғы мерекеге орай әлеуметтік желілерде, бұқаралық ақпарат құралдарында жалпы саны 5 мыңға жуық материал жарық көрді", – деді бөлім басшысы.

"Серпіліс" қоғамдық бірлестігінің жетекшісі Бейсенкүл Нарымбетованың айтуынша, мемлекеттік рәміздерді насихаттау мақсатындағы "Үздік пост", "Үздік бейнеролик" және "Үздік іс-шара" байқауы да жоғары деңгейде өткен. Биыл әлеуметтік жоба аясындағы байқауға журналистер, блогерлер, үкіметтік емес ұйымдардың мүшелері, мектеп мұғалімдері белсене қатысты. "Үздік пост" номинациясы бойынша 46 адамның арасынан жеңімпаздар анықталған. Өзге өңірдің жастары да бақ сынапты. Үздік бейнероликтер Тәуелсіздік күніне дейін әлеуметтік желілерге қайтадан жүктелмек. 

Іс-шара барысында байқау жеңімпаздары бағалы сыйлықтармен марапатталды. №21 мектептің тарих пәнінің мұғалімі Есбол Асылбеков 18 пост жариялап, "Үздік пост" номинациясында жеңімпаз атанған еді. Ол патриоттық іс-шараларды осы бағытта жүргізу қажеттігін айтты. Азаматтық альянс төрағасы Жұмағали Білісбеков мұндай іс-шаралардың ауқымын кеңейту бойынша ұсынысын жеткізді.

Бұл мақала сізге пайдалы болды ма?
0

  Егер мәтінде қате болса, оны белгілеп, Ctrl+Enter батырмасын басыңыз

  Егер мәтіндегі қатені смартфонда көрсеңіз, оны белгілеп, «Қатені хабарлау» батырмасын басыңыз

Біздің Telegram-каналдағы ең көп оқылған жаңалықтар
Серіктестер жаңалықтары