Шымкентте ашуға булыққан тұрғын таксидің тас-талқанын шығарды

Шымкентте ашуға булыққан тұрғын таксидің тас-талқанын шығарды, деп хабарлады 31 арнаның Информбюро ақпараттық бағдарламасы.

Жеңіл көліктің әйнегін аяусыз шаққан әйелдің әрекетін тұрғындардың бірі ұялы телефонға түсіріп алған екен. 

Кірпішті алып, алдымен жолаушы отыратын сол жақ терезені шаққан тұрғынды ешкім де тоқтата алмаған сыңайлы. Ішіне түскен ауыр затты есікті ашып алған келіншек артқы терезені, одан сон оң жақ терезені қиратқан. 

Бүтін көліктің быт-шытын шығаратындай әйелдің неге ашуланғаны белгісіз. Белгілісі үстінен бөтеннің мүлкін қасақана бүлдіргені үшін қылмыстық іс қозғалып, қамауға алынды. 

Жұрттың тынышын қашырғанда қаншалық сау болғаны алкогольдік ішімдікке тапсырған сынама нәтижесінен соң белгілі болмақ.