Shymbulak тау курорты ски-пасс құны 30 пайызға арзандатылған "Бәйшешек" тарифін іске қосыт. Бұл туралы тау курортының коммуникация департаменті таратқан хабарламада айтылған.
Биылғы ақпанда тауда қардың мол жаууына байланысты курорт мамандары Шымбұлақта шаңғы тебу маусымы биыл сәуірдің ортасына дейін созылады деген болжам жасап отыр.
"Қазақстанда тау-шаңғы маусымы әдетте наурыздың соңы мен сәуірдің басында аяқталады. Ал Shymbulak басқа курорттарға қарағанда ұзағырақ жұмыс істейді. Биыл ақпанның соңында түскен мол қардың арқасында қазір сырғанауға өте жайлы жағдай қалыптасты. Ауа райы қолайлы болса, сапалы сырғанау маусымы кем дегенде сәуір айының ортасына дейін жалғасады деп болжап отырмыз", – дейді "Shymbulak" курортының клиенттерге қызмет көрсету бөлімінің жетекшісі Темірлан Жүсіп.
"Бәйшешек" тарифінің аясында әлеуметтік тұрғыдан осал топтарға арналған жеңілдіктер толық көлемде сақталады.
