Тікелей эфир

Сыбайлас жемқорлық бойынша Нұр-Сұлтан, Алматы, Түркістан облысы бірінші орында тұр

Ал керісінше мұндай қылмыс түрі Маңғыстау облысында аз тіркелген – 43 жағдай, өткен жылмен салыстырғанда 47,6% аз.

2021 жылдың қаңтар-қыркүйек айларында елде 1,4 мың жемқорлық фактісі тіркелді. Бұл өткен жылмен салыстырғанда 33,3% аз. Жалпы жемқорлықпен байланысты қылмыстық істер саны үш есе қысқарды, деп хабарлайды Finprom.kz сайты. 

Жемқорлық фактісі келесі өңірлерде бәрінен көп тіркелген:

  • Нұр-Сұлтан – 140 жағдай, бір жылда 22,7% азайған;
  • Алматы – 135 жағдай, 19,2% азайған;
  • Түркістан облысы – 107 жағдай, керісінше 5,9% көбейген;
  • Жамбыл облысы – 107 жағдай, 23% азайған.

Ал керісінше мұндай қылмыс түрі Маңғыстау облысында аз тіркелген – 43 жағдай, өткен жылмен салыстырғанда 47,6% аз. Ең көп өсім Түркістан облысында байқалса, Батыс Қазақстан облысында керісінше 65,3% немесе 51 жағдайға дейін азайған. Жемқорлықпен байланысты қылмыстардың үштен бір бөлігі пара беру – 488 жағдай, бір жылда 2,4% азайған.

Тағы:

  • пара алу – 383 жағдай, бір жылда 36,5%;
  • алаяқтық – 142 жағдай, бір жылда 56,8%;
  • сеніп тапсырған мүлікті талан-таражға салу – 141 жағдай, бір жылда 51%;
  • қызметті асыра сілтеп пайдалану – 120 жағдай, бір жылда 28,6% азайды.

Жыл басынан бері 739 адамның жемқорлықпен байланысты ісі сотта қаралды, бұл өткен жылмен салыстырғанда 7,2% аз.

Бәрінен көп жемқорлық фактілерімен әкімдік және оның бөлімдері қызметкерлері ұсталған – 130 адам, бір жылда 24% аз. Бұдан кейінгі орында ішкі істер органы қызметкерлері – 125 азамат, қаржы министрлігі қызметкерлері – 33 адам тұр. Сондай-ақ, үш тоқсан ішінде 4 сот төрағасы мен 3 әкім ұсталды.

Бұл мақала сізге пайдалы болды ма?
0

  Егер мәтінде қате болса, оны белгілеп, Ctrl+Enter батырмасын басыңыз

  Егер мәтіндегі қатені смартфонда көрсеңіз, оны белгілеп, «Қатені хабарлау» батырмасын басыңыз

Біздің Telegram-каналдағы ең көп оқылған жаңалықтар
Серіктестер жаңалықтары