Мемлекеттік кірістер комитеті салықты шегеру тәртібін әзірледі.
Ашық НҚА порталында Қазақстандағы су тасқынынан зардап шеккендердің салық төлемдерін кейінге шегеруді көздейтін Мемлекеттік кірістер комитеті төрағасы бұйрығының жобасы жарияланды.
Оған сәйкес, 1 наурыз бен 1 шілде аралығында орындалмаған салық міндеттемелеріне өсімпұл есептелмейді.
Сондай-ақ:
- төлеу мерзімі 2024 жылғы 1 наурыздан бастап 30 маусымға дейінгі кезеңде басталатын, барлық салық және бюджетке төленетін басқа да міндетті төлемдер, сондай-ақ әлеуметтік төлемдер бойынша төлеу мерзімін 2024 жылғы 1 шілдеге дейін кейінге қалдырылады;
- 2024 жылғы 1 наурыздан бастап 30 маусымға дейінгі кезеңде басталатын салық есептілігін тапсыру мерзімдері 2024 жылғы 1 шілдеге ауыстырылады;
- мерзімінде орындалмаған салық міндеттемесінің орындалуын қамтамасыз ету және салық берешегін мәжбүрлеп өндіріп алу шараларын қабылдау 2024 жылғы 1 шілдеге дейін тоқтатылады;
- орындау мерзімі 2024 жылғы 1 наурыздан бастап 30 маусымға дейінгі кезеңде басталатын, камералдық бақылау нәтижелері бойынша мемлекеттік кірістер органдары анықтаған бұзушылықтарды жою туралы хабарламаны орындау мерзімі 2024 жылғы 1 шілдеге дейін ұзартылады.
Оқи отырыңыз: Қырғызстанда бүгін "Қазақстанға 112 сағат қолдау" марафоны басталады
Құжат жобасы 29 сәуірге дейін жария талқыға ұсынылған.
