Мектеп құрылысы 2024 жылы басталады.
Риддер қаласында қазақ мектебі салынады. Бұл туралы Үкімет кулуарында Шығыс Қазақстан облысының әкімі Даниал Ахметов айтты.
"Риддердің мәселесі маған белгілі. Осы жылдың ішінде 300 орындық мектептің жобасы бітеді. Ендігі жылы жаңа мектепті бастаймыз. Ол тек қана қазақ тілінде болады", – деді Даниал Ахметов.
Оқи отырыңыз: Нұртөре Жүсіп ресейліктердің Қазақстанға келуі туралы: Балаларын қазақ мектебінде оқыту керек
Сонымен қатар, облыс әкімі Риддердегі бұрынғы мектепке ағымдағы жөндеу жұмыстарын жасау үшін 60 млн теңге бөлінгенін айтты.
