Солтүстік Қазақстанда белгісіз індеттен мал қырылып жатыр

Мал дәрігерлері әзірге қарасан ауруына шалдығуы мүмкін деген болжам жасады.

Солтүстік Қазақстан облысында белгісіз аурудан мал өліп жатыр. Кеселден қазірдің өзінде бірнеше ірі қара қырылды. Індеттен әсіресе Уәлиханов ауданындағы Мортық ауылының тұрғындары зардап шекті, деп хабарлайды 31-арнаның Информбюро ақпараттық бағдарламасы.

Мортық ауылында қазірдің өзінде белгісіз індеттен оннан астам ірі қара өлген. Тұрғындар өрісте өлген малын видеоға түсіріп, желіде жариялады. Айтуларынша, кеселден негізінен 3-4 айлық бұзаулар мен жас тайыншалар қырылып жатыр.

Жас малдың алдымен артқы аяғы ақсап, денесінде ісік пайда болады. Ал кейбірінің іші қарысып, бір тәулікке жетпей өлген. Белгісіз ауру адамға жұғуы мүмкін деп қауіптенгендіктен, тұрғындар олардың өлексесін өртеуге кірісті. Мал дәрігерлері ірі қараның қандай індеттен өлгенін әлі анықтай алмай отыр. Әзірге қарасан ауруына шалдығуы мүмкін деген болжам жасады.

"Мал дәрігерлері барып тексерді. Бірақ қандай аурудан өлгенін анықтау әзірге мүмкін болмай тұр. Себебі, мал өлекселерінен 2-3 сағаттың ішінде патологиялық талдау алып үлгермеген. Малдар өртелген аумақ залалсыздандырылды", – деді СҚО ветеринария басқармасы басшысының орынбасары Қайырлы Қазанов.  

Материалдың толық нұсқасын төмендегі видеодан көріңіз:

Читайте новости без рекламы. Скачайте мобильное приложение informburo.kz для iOS или Android.

Поделиться:

 Если вы нашли ошибку в тексте, выделите её мышью и нажмите Ctrl+Enter

 Если вы нашли ошибку в тексте на смартфоне, выделите её и нажмите на кнопку "Сообщить об ошибке"

Популярное в нашем Telegram-канале

Серіктестер жаңалықтары