Смағұл Елубай оқушылардың қазақ тілінен емтихан тапсыруы туралы: Адамды тәубесіне келтіретін шешім

Жазушы бұған наразы адамдар Қазақстанда тұрмағаны дұрыс деп ойлайды.

Жазушы Смағұл Елубай Оқу-ағарту министр­лі­гінің 5-8, 10-сынып оқушыларын "Қазақ тілі" пәнінен (қазақ тілінен өзге тілде оқытатын мектептерде "Қазақ тілі және әдебиеті" пәнінен) емтихан тапсыруға міндеттеу туралы бастамасына "Ана тілі" басылымында пікір білдірді. 

Оның айтуынша, бұл – қазақ тіліне тірек болатын шешім. 

"Біз көрдік, заң да шығардық, халықтан сұрап та көрдік. Шынын айту керек, ешқандай сөз әсер етпейді. Сондықтан да, мемлекеттік тілдің қажет екенін түсінбей жүрген жандарды тәубесіне келтіретін осы емтихан деп ойлаймын. Мемлекеттік тілден емтихан тапсыру оқушыны, адамды тәубесіне келтіреді. Онсыз біз тағы да бір 30 жыл жүруіміз мүмкін", – деді Смағұл Елубай. 


Оқи отырыңыз: 2023-2024 оқу жылынан бастап 5-8, 10 сынып оқушылары "Қазақ тілінен" міндетті емтихан тапсырады


Жазушының айтуынша, Қазақстан қазақ тілін өзге тілдерден жоғары қоюы қажет. 

"Оған (бұл шешімге – ред.) наразы адамдар жалпы Қазақстанда тұрмағаны дұрыс деп ойлаймын. Қазақстан қазақ деген халықтың негізінде құрылған. Тәуелсіз ел халықтың тілін сақтамаса, тілін бәрінен де жоғары қоймаса, ол мемлекет болмайды. Қазақ халқы болмаса, қазақ мемлекеті де болмайды", – деді жазушы.

Читайте новости без рекламы. Скачайте мобильное приложение informburo.kz для iOS или Android.

Поделиться:

 Если вы нашли ошибку в тексте, выделите её мышью и нажмите Ctrl+Enter

 Если вы нашли ошибку в тексте на смартфоне, выделите её и нажмите на кнопку "Сообщить об ошибке"

Популярное в нашем Telegram-канале

Серіктестер жаңалықтары