Үміткер Тоғжан Қожалы Алматы қаласының сайлаушыларына арнап жазған хатының толық нұсқасын ұсынамыз:
"Құрметті Алматы тұрғыны, қадірменді сайлаушы!
Бұл хатымды Сізге арнап жаздым.
Бізді – тәуелсіз кандидаттарды жақынырақ тануыңызға билік тым қысқа уақыт берді.
Мойындаймын, шындығы осы: біз, тәуелсіз кандидаттар, халықтың қолдауынсыз Мәжіліске де, мәслихаттарға да бара алмаймыз.
Сондықтан сіздің қолдауыңыз аса қажет, өте маңызды. Сайлауға барып, дауыс беру арқылы ғана біз ортақ мақсаттарға қол жеткізе аламыз.
Сайлау кезінде үміткерлер уәдені үйіп-төгеді. Ал мен тек бір ғана уәде беремін: егер мені сайласаңыз, мен Мәжілістегі сіздің депутатыңыз боламын. Көкейіңіздегі кез келген сауал бойынша маған тікелей хабарласа аласыз.
Мен Қазақстанның әрбір адам үшін әділетті, қауіпсіз әрі жайлы мемлекет болғанын қалаймын.
Еліміздің кең байтақ жері, табиғи байлығы әр адамның бақуатты ғұмыр кешіп, бақытты өмір сүруіне еркін жетеді. Мұндай елде ешкім болашағына күмәнмен қарап, ұрпағының келешегіне алаңдамауы керек.
Әрдайым байланыста боламын: +7-771-377-77-73.
Құрметпен, сіздің кандидатыңыз Тоғжан Қожалы".
Посмотреть эту публикацию в Instagram
Алматы қаласының аумақтық сайлау комиссиясымен республикалық бюджет есебінен төленген.
