"Шындыққа ренжуге болмайды". Әуесбаев Дайрабаевпен дебатта кездесуге дайын екенін мәлімдеді

Ол Орталық сайлау комиссиясына республикалық деңгейде дебат өткізу жөнінде ұсыныс жасады.

Нұрлан Әуесбаев "Ауыл" партиясынан президент болуға үміткер Жигули Дайрабаевтың өзін ашық дебатқа шақыруына байланысты Facebook желісінде бейнежауап жариялады.

"Үміткерлердің бәрі мәре сызығына шығып, қызу жұмыс жүргізуде. Мен де жай отырған жоқпын. Өңірлерді аралап, жергілікті халықпен кездесіп, өзекті мәселелерді талқылаудамын. Маған белгілі болғандай, жақында "Ауыл" партиясынан президенттікке үміткер Жигули Дайрабаев менің сөйлеген сөздеріме ренжіп, Facebook желісінде үндеу жазып, мені ашық дебатқа шақырыпты. Менің айтқандарым шындық. Ал шындыққа ренжуге болмайды", – деді Нұрлан Әуесбаев.

Ол, сондай-ақ, Жигули Дайрабаевпен де, президенттікке өзге үміткерлермен де пікірталасқа түскісі келмейтінін хабарлап, оның орнына Орталық сайлау комиссиясына келесі аптада республикалық деңгейде дебат өткізу жөнінде ұсыныс жасады.

"Орталық сайлау комиссиясынан келесі аптада республикалық деңгейде дебат өткізуді талап етемін. Сол дебатқа қуыршақ емес үміткерлер, саяси тұлғалардың болғанын қалаймын", – деді Нұрлан Әуесбаев.


Оқи отырыңыз: Қазақстанда президент сайлауы қалай өтетінін білесіз бе? Тест


 

Читайте новости без рекламы. Скачайте мобильное приложение informburo.kz для iOS или Android.

Поделиться:

 Если вы нашли ошибку в тексте, выделите её мышью и нажмите Ctrl+Enter

 Если вы нашли ошибку в тексте на смартфоне, выделите её и нажмите на кнопку "Сообщить об ошибке"

Популярное в нашем Telegram-канале

Серіктестер жаңалықтары