Шетелге демалысқа кеткен қазақстандықтар елге астана әуежайы арқылы жеткізіледі

"ҚТЖ" ҰК" АҚ басшылығына пойыздарды жасақтау кезінде жолаушыларға барынша көмек көрсету тапсырылды.

Жаңа жылдық демалысқа БАӘ, Шри-Ланка, Таиланд, Мальдив және Гоаға кеткен туристерді елге жеткізу жұмыстары мүмкіндігінше жедел, елорда әуежайы арқылы жүргізіледі, деп хабарлайды ҚР ИИДМ баспасөз қызметі.

"ҚР индустрия және инфрақұрылымдық даму вице-министрі Берік Камалиев ҚР ИИДМ азаматтық авиация комитетінің, ҚР мәдениет және спорт министрлігі туризм индустриясы комитетінің, әуе компанияларының, әуежайлардың, "ҚТЖ" ҰК" АҚ мен Қазақстанның туроператорлар қауымдастығының басшылығымен өткен кеңейтілген кеңесте шет елдерге демалысқа кетіп, әуежайлар жұмысының тұрақсыздығына байланысты елге оралуы қиындаған қазақстандықтарды эвакуациялау кестесін тез арада әзірлеуді тапсырды", – делінген хабарламада.

Кеңесте рейстерді ұйымдастыруға тартылған барлық қатысушылардың өзара іс-қимылының егжей-тегжейі пысықталды. "ҚТЖ" ҰК" АҚ басшылығына пойыздарды жасақтау кезінде жолаушыларды қайтару кестесін ескеру және оларға барынша көмек көрсету тапсырылды.

Еске салсақ, жолаушылардың пайдаланылмаған пойыз билеттерінің ақшасын қайтару жолы туралы жазған едік. Азаматтар толық емес құнды алған жағдайда, арадағы айырманы алу үшін "Жолаушылар тасымалы" АҚ билет кассаларына жүгінуі қажет.

Жаңалықты жарнамасыз оқыңыз. iOS және Android жүйесіне арналған informburo.kz мобильді қосымшасын жүктеңіз.

Тарату:

  Егер мәтінде қате болса, оны белгілеп, Ctrl+Enter батырмасын басыңыз

  Егер мәтіндегі қатені смартфонда көрсеңіз, оны белгілеп, «Қатені хабарлау» батырмасын басыңыз

Біздің Telegram-каналдағы ең көп оқылған жаңалықтар

Серіктестер жаңалықтары