Сенатор Нұртөре Жүсіп "Ел Арна" және "Тәлім ТВ" арналарын жасөспірімдер арнасына айналдыруды ұсынды. Оның айтуынша, ұлттық идеология мен ұлттық тәрбиені дамытуда айтарлықтай алшақтық болды. Дегенмен сенаторлар бұл мәселені үкімет алдында бірнеше рет көтеріп, тіпті осы саладағы жағдайды жақсарту бойынша нақты ұсыныстар жіберген.
Өткен жылы сенатта ұлттық құндылықтарды сақтау және одан әрі ілгерілету мәселелеріне арналған парламенттік тыңдау өтті. Тыңдауға қатысушылар көптеген проблемалық мәселені көтеріп, жұмыс қорытындысы бойынша үкіметке ұсыныстар берді.
"Сізден сол ұсынымдарға қайта назар аударуды, парламенттік тыңдау материалдарын үкімет мүшелерінің бәріне таныстыруды және соларды жүзеге асыру үшін шұғыл әрекет етуді талап етемін", – деді Нұртөре Жүсіп.
Оқи отырыңыз: Мәжіліс депутаты: Әлем әдебиетін орыс тілінен аудару көркем шығарманың сапасын көтермейді
Депутат, сондай-ақ, елдегі жетекші арналардың көпшілігі мемлекеттік тапсырыс есебінен бюджеттен қаржыландырылатынын айтты. Оларға "рейтинг" не үшін керек деп сұрақ қойған депутат "Ел Арна" және "Тәлім ТВ" арналарын жасөспірімдер арнасына айналдыруды ұсынды.
Еске салсақ, Алматыда пандемия салдарынан тәуелсіз театрлардың 65 пайызының жабылғаны туралы хабарладық. Қазіргі сәтте 8 (35%) алаң толықтай жабылды және тағы бесеуі (30%) өз жұмысын белгісіз мерзімге дейін тоқтатты.
