Семейде автопарктің 400-ге жуық қызметкері жалақысын ала алмай жүр

Айлықтарын даулаған жүргізушілер Semey bus компаниясымен тең құрылтайшы әкімдікке барып, жалақыларын төлеуді талап етті. Қазір банкрот болған компанияның қарызы 65 миллион теңгеге жеткен. Ашулы топ маңдай терімен тапқан ақшасын алғысы келеді, деп хабарлады 31-арнаның Информбюро ақпараттық бағдарламасы.

Қызметкерлердің айтуынша, қосымша ешқандай әлеуметтік төлемнің де қажеті жоқ. Әкімдік жалақыны алып берсе де жеткілікті. Семей әкімдігі автопарктің 49 пайызының иесі. Ал екінші үлескер Серікжан Қалиев әкімдік мәселені шешуге кіріскен жағдайда ғана елге тиесілі қарызды өтеуге дайын екенін айтқан.

Бірақ шенеуніктер жұмысшылардың жалақысын төлеуді кәсіпкердің мойнына іліп отыр. Яғни, автопарк қызметкерлері келісім шартты әкімдікпен емес, жұмыс берушімен жасаған дейді.

Айта кетейік, Semey bus серіктестігі әкімдікпен 16 сәуір күні келісім шартын бұзған. Бірақ жолаушы тасымалдауын 23 маусымға дейін тоқтатпапты.

Материалдың толық нұсқасын төмендегі видеодан көріңіз: