Семейде "Абай жастары" тұрғын үй бағдарламасы 22 желтоқсанда іске қосылады

Абай облысының орталығы Семей қаласында "Абай жастары" тұрғын үй бағдарламасы 22 желтоқсанда іске қосылады. Бұл туралы Семей қаласының әкімдігі хабарлап, бағдарлама шарттарын жариялады. Бағдарламаға құжаттар 22 желтоқсан – 12 қаңтар аралығында қабылданады. 

Бағдарлама мәдениет, спорт, денсаулық сақтау, БАҚ салаларында қызмет атқаратын азаматтарға арналған. Бұл салаларда үміткерлерде кемі бір жыл жұмыс өтілі болуы тиіс.

• Несие сомасы – 15 теңге;
• Бастапқы жарна – тұрғын үй құнының 10%;
• Жылдық пайыздық мөлшерлеме – 5%.
• Несие мерзімі – 19 жыл.

"Абай жастары" бағдарламасына 18-35 жас аралығындағы Семей қаласының тұрғындары қатыса алады. Айта кету керек, үміткерлер мен олардың отбасы мүшелерінің Семей қаласында тіркелуі міндетті. Сондай-ақ, талап бойынша, соңғы бес жылда үміткер мен оның отбасы мүшелерінде жеке тұрғын үйі болмауы тиіс.

Оқи отырыңыз: 

• Әкімдіктен – 5 пайыздық ипотека. Өңірлік тұрғын үй бағдарламаларына шолу
• Жастарға арналған бірыңғай тұрғын үй бағдарламасы әзірленеді

"Абай жастары" бағдарламасына қатысу үшін қажетті құжаттар тізімі:

• үлгі бойынша өтініш (Тұрғын үй инспекциясы бөлімімен беріледі);
• өтініш берушінің және барлық отбасы мүшелерінің Қазақстан Республикасында жылжымайтын мүліктің жоқтығы (болуы) туралы анықтама;
• "Электрондық үкімет" веб-порталынан алынған соңғы жылдағы зейнетақы жинақтары туралы үзінді көшірме;
• өтініш берушінің азаматтық жағдайын растау (неке туралы немесе некені бұзу туралы куәлік, баланың тууы туралы куәлігі, бар болса мүгедектігі туралы анықтама);
• белгіленген үлгідегі ұйымның/мекеменің фирмалық бланкісінде анықтаманың берілген күнін, шығыс нөмерін, жұмысқа тұрған күні мен қызметтік лауазымын көрсетіп берілген жұмыс орнынан анықтамасы;
• еңбек өтілін растайтын құжаттар (еңбек кітапшасы, еңбек өтілі және т.б.).

Бағдарлама шарттарымен толығырақ осы жерден танысуға болады.