11 жасар бала жаңа төрт бөлмелі пәтерге ие болды.
Семейде бір топ жасөспірім аяусыз соққыға жыққан оқушыға қазақстандықтар 32 миллион теңге жинап, пәтер алып берді.
Семейлік блогерлер Аида Жүнісова мен Динара Садырбаева үш күнде Алинұрға 32 миллион теңге жиналғанын айтты. Олар төрт бөлмелі пәтерді тауып, кілтін Алинұрға ұсынғанын көрсетті.
"Соққыға жығылған жасөспірім қазір оңалып келе жатыр. Ашылып сөйлеп, қоғамға бейімделіп жатыр", – дейді Аида Жүнісова.
"Кілтті алдық, енді Әлинұрдың өзінің шаңырағы бар. Пәтерге орналасып, бақытты өмір кешеді", – деп жазды ерікті Динара Садырбаева.
Еске салайық, Семейде жасөспірімдер 6-сынып оқушысын тепкілеп соққыға жыққан болатын. Оқиғадан кейін мектеп директоры жұмыстан қуылды. Ал ұрған балалар арнайы мектепке жіберілді.