Тікелей эфир

"Самұрық-Қазына" корпоративті басқару кодексіне әлемдік тәжірибелерді енгізеді

Қор басшысы қоржындық компаниялардың директорлар кеңесінде гендерлік әртүрлілік болуы маңызды екенін ескертті.

"Самұрық-Қазына" қорының басқарма төрағасы Алмасадам Сәтқалиев қорды реформалау бойынша жоспарды жүзеге асыруға арналған жиында қордың корпоративті басқару кодексіне үздік әлемдік тәжірибелерді енгізуді тапсырды.

Қор басшысының айтуынша, үздік тәжірибелердің қатарында директорлар кеңесі құрамында тәуелсіз директорлар санын арттыру, тәуекелдерді басқару, ішкі аудит пен кампленс жүйелерін күшейту, ESG мақсаттарды біріктіру маңызды.

Фото: "Самұрық-Қазына" АҚ баспасөз қызметі

2022 жылғы International Finance Corporation зерттеуіне сәйкес, директорлар кеңесіндегі гендерлік әртүрлілік компания табысын арттырып, инвестициялық тартымдылығын жоғарылатады. Осыған орай, қор басшысы директорлар кеңесінің құрамында әйелдер жоқ қоржындық компаниялардың басшыларына тиісті ұсыныстар берді.

Сондай-ақ, жиында директорлар кеңесінің кәсіби құрамын күшейтудің маңыздылығы да талқыланды. Бұл орайда ESG қағидаларына сай болу – қор үшін басым міндеттердің бірі.

"2021 жылғы қазанда БҰҰ типтік нұсқаулығының негізінде климаттық есептілік бойынша нұсқаулық шығарған алғашқы алаң LSE болды. Бұл құжат климатпен байланысты қаржылық ақпараттық ашу жөніндегі мақсатты топтың ұсыныстарына сай келеді", – деп атап өтті Алмасадам Сәтқалиев.

Бұл орайда қор мердігерлер, жеткізушілер және инвестициялық серіктестерге ESG талаптарына сәйкес болу үшін талаптарды күшейтеді. Бұл бастамалардың бәрі қордың реформаларының екінші пакетіне кіреді.

Бұл мақала сізге пайдалы болды ма?
0

  Егер мәтінде қате болса, оны белгілеп, Ctrl+Enter батырмасын басыңыз

  Егер мәтіндегі қатені смартфонда көрсеңіз, оны белгілеп, «Қатені хабарлау» батырмасын басыңыз

Біздің Telegram-каналдағы ең көп оқылған жаңалықтар
Серіктестер жаңалықтары