Saulyq Life деген атаумен Telegram-бот іске қосылды. Кез-келген жасөспірім өзін толғандырған сұрақты қойып, мамандардан кеңес ала алады. Бұл туралы Qazaqstan.tv хабарлады.
Мамандардың айтуынша, ерте жүктілік, түсік жасату сияқты проблемалардың алдын алу мақсатында осындай жобаны қолға алған. Бастама "Жастар денсаулығын сақтау" қозғалысы аясында жүзеге асып жатыр. Мамыр айында қолға алынған шара аясында Астана мен Қызылорда қалаларынан 100-ден астам ерікті арнайы оқудан өткен.
"Біріншіден, жастардың арасында ақпараттық жұмыс жүргіземіз. Жоғарыда айтылған мәселелердің алдын алу бойынша. Екіншіден, біз волонтерлық ұйым құрдық. Волонтерлық ұйым тең-теңімен қағидатымен жастардың арасында кең ақпараттық жұмыстар жүргізеді", – дейді жоба жетекшісі Қанат Мырхайдаров.
Айта кетейік, "Жастар денсаулығын сақтау" жобасы 2025 жылға дейін жалғасады.
