Ренат Айтаев мәжіліс аппаратының басшысы болып тағайындалды

Мәжіліс төрағасы Ерлан Қошанов палата аппаратының жаңа басшысын таныстырды.

Мәжіліс аппаратының басшысы болып Ренат Айтаев тағайындалды, деп хабарлайды парламент палатасының баспасөз қызметі.

"Бюро отырысында мәжіліс төрағасы Ерлан Қошанов палата аппаратының жаңа басшысын Ренат Айтаевты таныстырды", – делінген хабарламада.

Ренат Айтаев 1976 жылы 10 қыркүйекте дүниеге келген.

Білімі – жоғары. Д.Серікбаев атындағы Шығыс Қазақстан мемлекеттік техникалық университетін және қазақ мемлекеттік заң академиясын бітірді.

Еңбек жолын 1998 жылы бастады.

Әр жылдары Қазақстан Республикасының мемлекеттік кіріс министрлігінде, кедендік бақылау агенттігінде, қаржы министрлігінде, еңбек және халықты әлеуметтік қорғау министрлігінде, индустрия және сауда министрлігінде, премьер-министрдің кеңсесінде қызмет атқарды.

2010-2017 жж. – ҚР премьер-министрі кеңсесі индустриялық-инновациялық даму бөлімінің меңгерушісі;

2017-2019 жж. – ҚР премьер-министрі кеңсесі басшысының орынбасары – ҚР премьер-министрі кеңсесі бойынша әдеп жөніндегі уәкілі;

2019 жылы ҚР президенті әкімшілігі басшысы хатшылығының меңгерушісі болып тағайындалды.

"Құрмет" орденімен, "Еуразиялық экономикалық одақты құруға қосқан үлесі үшін" III дәрежелі медалімен және мерейтойлық медальдармен марапатталған.

Читайте новости без рекламы. Скачайте мобильное приложение informburo.kz для iOS или Android.

Поделиться:

 Если вы нашли ошибку в тексте, выделите ее мышью и нажмите Ctrl+Enter

Серіктестер жаңалықтары