Бұған дейін Алматыда 34 қала маңы бағыты ашылып, оларға 491 автобус бөлінген болатын.
Алматыда қала маңына қатынайтын жаңа автобус бағыты ашылды, деп хабарлады әкімдіктің баспасөз қызметі.
"15 қазаннан бастап үлкен сыйымдылықтағы автобустар "Райымбек" метро бекетінен Есікке дейін қатынайды, соңғы аялдамасы – Еңбекшіқазақ ауданының Қызылжар ауылы. №252 бағытында 25 автобус қызмет көрсетеді, жүру аралығы 10 минут. Бұл бағытқа "Ecobus Servise" ЖШС қызмет көрсетеді", – делінген хабарламада.
Бұған дейін Алматыда 34 қала маңы бағыты ашылып, оларға 491 автобус бөлінген болатын. Жыл аяғына дейін Алматы агломерациясындағы 70-ке жуық елді мекенді қамтитын тағы 19 бағыт ашу жоспарланып отырғаны айтылды.
