Қырғызстанда Жогорку Кенеш депутаттары "Жалпыға білім беру ұйымдарында мобильді құрылғыларды қолдануды реттеу туралы" заң жобасын әзірлеп, бұл жобаны Әлеуметтік саясат жөніндегі парламенттік комитет мақұлдады, деп хабарлады 24.kg.
"Жобаның міндеті – оқ процесінде мобильді құрылғыларды пайдалануды реттеу және қауіпсіздік пен әдепке негізделген оқу ортасын құру, цифрлық сауаттылық дағдыларын қалыптастыру, мобильді құрылғыларды саналы түрде қолдануға үйрету", – делінген құжат жобасының негіздеме ақпаратында.
24.kg жазуынша, депутаттар жаңа заң жобасын әзірлегенімен, балаларды мобильді қондырғылардың зардабынан қалай сақтандыруға болатынын таппаған. Бұл міндетті олар мектептер мен ата-аналардың өзіне жүктеп отыр.
"Мектеп оқушыларының мобильді құрылғыларды қолдануын реттеу оқу орындарының педагогтері мен ата-аналар тарапынан қолға алынатын түрлі шаралар мен саясаттар арқылы жүзеге асырылады", – деп жазған заң жобасының авторлары.
Оқи отырыңыз: Қазақстанда сабақта смартфон қолдануға тыйым салу заңмен бекітіледі
