ҚХР төрағасы Си Цзиньпин Астанаға келді

Президент Қасым-Жомарт Тоқаев Қытай Халық Республикасының Төрағасы Си Цзиньпинді Астана әуежайынан қарсы алды.

"Трапта Құрмет қарауылының ротасы сап түзеді. Мәртебелі мейманға Қазақстан мен Қытай туларын ұстаған жеткіншектер қошемет көрсетті. Елорда әуежайының терминалында Төраға Си Цзиньпинге балалар қазақ және қытай тілдерінде сәлемдесіп, күтіп алды", – делінген Ақорда хабарламасында. 

Содан соң өнерпаздар қос халықтың ұлттық билерін билеп, ерекше ілтипат білдірді.