Құсбегілердің әлемдік чемпионатында 12 жүлденің тоғызын Қазақстан жеңіп алды

Абай облысының Үржар ауданында Құсбегіліктен тұңғыш әлем чемпионаты өтіп, құсбегілер "бүркіт", "қаршыға", "ителгі" бағыттары бойынша сынға түсті. Әлем біріншілігіне Қазақстан, Моңғолия, Қырғызстан, Түркия, Ресей, Украина, Қытай елдерінен 61 бүркіт, 20 қаршыға, 15 ителгі қатысты.

Әр бағыт бойынша төрт жүлде тігілсе, үшеуі бойынша да бірінші, екінші орындарды Қазақстан ұлттық құрамасының құсбегілері жеңіп алды. Қазақстан еншісінде барлығы – 9 жүлде.

"Бүркіт" бойынша:

• І орын: Бабажан Серікболсын (Қазақстан);
• ІІ орын: Нұман Өмірбек (Қазақстан);
• ІІІ орын: Бәйтілкәріп Өркен (Моңғолия);
• ІІІ орын: Тастанбек Байрақ (Қазақстан).

"Ителгі" бойынша:

• І орын: Оспанқұлов Таңат (Қазақстан);
• ІІ орын: Сандыбай Ерлан (Қазақстан);
• ІІІ орын: Налват Мурат (Түркия);
• ІІІ орын: Кеуенов Бағдат (Қазақстан).

"Қаршыға" бойынша:

• І орын: Сейітжан Бексұлтан (Қазақстан);
• ІІ орын: Серікбек Ерасыл (Қазақстан);
• ІІ орын: Тайманов Айшуақ (Қазақстан);
• ІІІ орын: Айбекулу Салават (Қырғызстан).

---

Оқи отырыңыз: Бүркітшілік: төл өнерімізді төбеге шығарар күн келді

---

Әлем біріншілігін ұйымдастыруға Мәдениет және спорт министрлігінің Спорт және дене шынықтыру істері комитеті, Ұлттық спорт қауымдастығы, Ұлттық және ат спорты түрлері орталығы, Абай облысының әкімдігі ұйытқы болды.