Қуаныш Ерғалиев: Қазақстанда алғашқы онлайн университеттер ашылады

Жыл сайын 500 ғалым әлемнің жетекші ғылыми орталықтарына тағылымдамадан өтуге барады.

Білім және ғылым министрлігі жоғары білім беру жүйесіне оқытудың жаңа құралын енгізуді жоспарлап отыр. Вице-министр Қуаныш ЕрғалиевОнлайн оқу білім алудың жаңа форматына айналатынын мәлімдеді.

"Елімізде алғашқы онлайн университеттер ашылады. Жалпы, жоғары оқу орындарында білім алу үшін гранттар саны 5 мыңға артады, олардың 60 пайызы техникалық мамандықтар бойынша бөлінеді. Сондай-ақ, "Болашақ" бағдарламасын қайта қарастыру бойынша жұмысты бастадық", – деді Қуаныш Ерғалиев.


Оқи отырыңыз: 


Мұнымен қатар, вице-министр 2021 жылы ғылымды қаржыландыру 2 есе артқанын айтты. Ал ғылыми қызметкерлер саны 1,5 есе өскен.

"Біз жыл сайын "Жас ғалым" жобасы бойынша постдокторанттарға 1 000 грант бөлеміз. Сондай-ақ, жыл сайын 500 ғалым әлемнің жетекші ғылыми орталықтарына тағылымдамадан өтуге баратын болады. Жалпы алғанда Білім және ғылым министрлігі 10 басым бағыт бойынша қазақстандық ғалымдардың 1 136 жобасы мен 59 ғылыми-техникалық бағдарламасын қаржыландырады", – деді Қуаныш Ерғалиев.

Еске салсақ, халықаралық білім олимпиадасы жеңімпазы мен жүлдегерлерінің сыйақы алатыны туралы хабарлаған едік. Олимпиада жүлдегерлерімен қатар, оларды жаттықтырған педагогтерге де қолдау көрсетіледі.

Читайте новости без рекламы. Скачайте мобильное приложение informburo.kz для iOS или Android.

Поделиться:

 Если вы нашли ошибку в тексте, выделите ее мышью и нажмите Ctrl+Enter

Серіктестер жаңалықтары