Жаңа имам бұрын Қостанай қалалық "Марал Ишан" мешітінің имамы қызметін атқарған.
Бас мүфти Наурызбай қажы Тағанұлының бұйрығымен Қостанай облысының бас имамы болып Бектұрсын Уәлиев тағайындалды, деп хабарлады ҚМДБ баспасөз қызметі.
Бектұрсын Уәлиев бұған дейін Қостанай қалалық "Марал Ишан" мешітінің имамы қызметін атқарған. Оны ұжымға ҚМДБ Уағыз-насихат бөлімінің меңгерушісі Батыржан Мансұров таныстырды.
ҚМДБ Уағыз-насихат бөлімінің меңгерушісі Батыржан Мансұров жаңа бас имам Бектұрсын Уәлиевті ұжымға таныстырды
Еске салайық, Қостанай облысының бұрынғы бас имамы Бақытбек Тәжімбет мас күйінде автокөлік жүргізіп ұсталған болатын. Ол 15 тәулікке қамауға алынды. Бұл оқиғадан кейін ол қызметтен босатылып, Қазақстан мұсылмандары діни басқармасы елдің мұсылман жамағатынан кешірім сұраған еді.
