Қолайсыз ауа райына байланысты Алматыға келетін рейстер әлі де кешігіп жатыр

Әуе компаниялары жолаушыларға Алматыға/Алматыдан қатынайтын рейстердің тоқтатылуы және кестесінің ауыстырылатыны туралы ескертуде.

Air Astana 14 наурызда жауған қалың қарға байланысты бірқатар рейстер 15 наурызға шегерілгенін хабарлайды.

"Осыған байланысты, Алматыға/Алматыдан рейстердің кешігуі және тоқтатылуы жалғасуда, өйткені жерде қызмет көрсету және әуе кемелерін мұздан тазарту қызметіне қосымша жүктеме пайда болды. Барлығы 38 рейс кейінге қалдырылып, 10 рейс тоқтатылды", – деп хабарлады әуе компаниясы.

Ұшу туралы өзекті ақпаратты Air Astana веб-сайтынан немесе қолданбасынан көруге болады.

Ал FlyArystan-ның ұшуына қатысты ақпаратты FlyArystan.com сайтынан табуға болады.