ҚМДБ қажылыққа баратын азаматтарды алдын ала оқытуды жоспарлап отыр

Қазақстан мұсылмандары діни басқармасы қажылық сапарына баруға ниет білдірген ел азаматтарын облыстық, аудан­­­дық, қалалық ме­­­шіт­­терде алдын ала оқытып, қажылыққа дайындауды жоспарлап отыр. Бұл туралы діни басқарма сайтында бас мүфти Наурызбай қажы Тағанұлы жазды.

Оның сөзінше, ел ішінде қажылыққа барып келген кейбір азаматтардың ұлы сапар туралы жағымсыз пікірлері әркез айтылады. Соған орай, қажылық жұмысты ұйымдастыруда бола­шақ қажыларды діни, рухани, моральдық тұрғыдан даярлау мәселесіне көңіл бөлінбек.

---

Оқи отырыңыз: 

• 2023 жылы қазақстандықтарды қажылыққа апаратын 18 туроператор белгілі болды
• Отандық туроператорлар қажылыққа туристік визамен апаруды тоқтатуды сұрады

---

"Бұл ретте қажылыққа ниет еткен отандастарымызбен тығыз жұ­­мыс істеп, оларды алдағы қа­сиетті сапарға облыстық, аудан­­­дық, қалалық статустағы ме­­­шіт­­терде арнайы оқыту курс­та­рында қажылық сапарына да­йын­даймыз. Мешіттер мен имамдар осы істі ыждағатпен жү­зеге асырып келеді. Діни бас­қар­ма жариялаған арнайы конкурстан өткен қажылық компаниялары да мешіттерімізде өте­тін арнайы қажылық курсына азаматтардың қатысуын қам­та­масыз ететін бо­­лады", – деп жазды ҚМДБ төрағасы.

Сондай-ақ, ол қажы­лар­мен әрдайым ты­ғыз байланыста болып, олармен нәти­желі жұмыс істеу үшін "Қа­жы­ның рухани келбеті" құ­жа­тын әзірленетінін де айтты.