Қазпоштада жыл басынан бері 270 млн теңгеден астам қаржы ұрланған

2023 жылдың қорытындысы бойынша бірқатар өңірде жалпы сомасы 273 миллион теңгені құрайтын қаржылық заң бұзушылықтар анықталды, деп хабарлады "Қазпошта" АҚ PR қызметі.

Барлығы 7 өңірлік филиалда 11 қылмыстық іс тіркелген. Олардың қатарында жымқыру, алаяқтық, ұрлық және заңсыз сыйақы алу фактілері бар.

"Қазіргі таңда ішкі тексеру материалдары процессуалдық шешім қабылдау және күдіктілерді жауапқа тарту, сондай-ақ келтірілген шығын сомасын өтеу үшін экономикалық тергеу департаментіне жолданды", – делінген компанияның хабарламасында.

Қазпошта бұл бағытта құқық қорғау органдарымен бірлесіп жұмыс істейтінін мәлімдеді.

Оқи отырыңыз: Алаяқтар Қазпошта атынан жалған хабарламалар таратып жатыр