Биыл Қазақстан авиациясының генерал-майоры, екі мәрте Кеңес Одағының Батыры Талғат Бигелдиновтің туғанына 100 жыл толады.
1 маусымда "Қазпошта" АҚ Қазақстан авиациясының генерал-майоры, екі мәрте Кеңес Одағының Батыры Талғат Бигелдиновтің туғанына 100 жыл толуына орай шығарылған марканы қолданысқа берді. Марканың номиналы – 100 теңге. Перфорациясы тарақ тәрізді, офсеттік тәсілмен екі бояумен басылған. Көлемі – 26 х 18 мм.
Оқи отырыңыз: Гагарин бейнеленген марка құны – 350 доллар. Қазақстанда марка жинап табыс табуға бола ма?
Сондай-ақ, жақын күнде танымал тұлғалардың мерейтойына арналған тағы бірнеше марка шығарылады.
3 маусымда Ұлт ұстазы, саяси қайраткері Ахмет Байтұрсыновтың туғанына 150 жыл толуына орай марка пошта айналымына жіберіледі. Пошта маркасының номиналы – 150 теңге, перфорациясы тарақ тәрізді, офсеттік тәсілмен екі бояумен басылған. Көлемі – 26 х 18 мм.
Ал 5 маусымда әнші Роза Бағланованың 100 жылдығына орай шығарылған марка айналымға енеді. Пошта маркасының номиналы – 5 теңге, офсеттік тәсілмен екі бояумен басып шығарылған. Марканың көлемі – 26 х 18 мм.
