Алдағы үш тәулікте Қазақстан аумақтарының бір бөлігі атмосфералық фронттардың ықпалында болады.
"Қазгидромет" РМК-ның мәліметінше, 27-29 ақпанда Қазақстанның солтүстігінде, шығысында және орталығында қар жауады, кей жерлерде бұрқасын күтіледі.
"Республиканың оңтүстік және оңтүстік-шығыс бөлігіндегі таулы аймақтарда да атмосфералық фронттардың өтуімен жауын-шашын, көктайғақ, тұман түсуі мүмкін", – деді синоптиктер.
Батыста іс жүзінде желсіз ашық ауа райы сақталады. Күндіз ауа температурасы 5 градусқа дейін жылынады.
Оқи отырыңыз: Аяз, әрі ашық күн: Алдағы күндерге арналған ауа райы болжамы
