10 шілдеде Қазақстанның басым бөлігінде ыстық әрі жауын-шашынсыз ауа райы сақталады. "Қазгидромет" мәліметінше, елдің оңтүстік өңірлерінде ауа температурасы +42 градусқа дейін көтеріледі.
Синоптиктердің болжамынша, ең ыстық күн Түркістан мен Қызылордада болады. Бұл өңірлерде күндіз ауа температурасы +40…+42 градусқа дейін жетеді. Сонымен қатар Шымкентте +38…+40, Жезқазған мен Таразда +36…+38, Қонаевта +35…+37 градус ыстық күтіледі.
Астанада күндіз +34…+36, Алматыда +33…+35, Қостанайда +34…+36, Петропавлда +33…+35 градус болады.
Батыс өңірлерде ауа райы құбылмалы болады. Оралда, Ақтөбеде, Атырауда және Ақтауда жаңбыр жауып, найзағай ойнайды. Кей жерлерде бұршақ түсіп, дауылды жел соғуы мүмкін.
Оқи отырыңыз: Бата, бесік жыры, жарапазан. Қазақстан қандай ұлттық мұраларды ИСЕСКО тізіміне ұсынбақ
Ал Түркістан мен Қызылордада күндіз жел күшейіп, шаңды дауыл күтіледі. Сондай-ақ Өскемен, Семей, Тараз және Шымкентте де екпінді жел соғады.
Синоптиктер тұрғындарға күннің ең ыстық уақытында ұзақ уақыт далада болмауға, мол су ішуге және дауылды ауа райы болжанған өңірлерде қауіпсіздік шараларын сақтауға кеңес береді.