Қазақстанның басым бөлігінде қолайсыз ауа райына байланысты дауылды ескерту жарияланды

Еліміздің басым бөлігінде тұман түсіп, боран болады. Бұл туралы "Қазгидромет" РМК синоптиктері хабарлады. 

Астана, ШҚО, Жетісу, Түркістан, Павлодар және Қызылорда облыстарында тұман түсуі ықтимал.

СҚО, Қостанай және Ақмола облыстарында боран соғып, көктайғаққа ұласады. Тұман түсіп, қатты жел соғуы ықтимал.

Көктайғақ пен тұман Алматы, БҚО, Маңғыстау, Жамбыл және Атырау облыстарында да болады.

Ақтөбе облысында боран, көктайғақ және тұман түсуі мүмкін.

Алматы облысында көктайғақ күтілуде.

Абай облысында тұман түсіп, боран соғуы мүмкін.