USD:
505.5 / 508.5
EUR:
587.5 / 592.5
RUB:
6.47 / 6.59
Қазақстандық оқушылардың қысқы демалысына бір айдан аз уақыт қалды. Биылғы оқу жылының екінші тоқсаны сегіз оқу аптасынан тұрады, ал қысқы каникулдар 29 желтоқсанда басталып, 2026 жылдың 7 қаңтарына дейін жалғасады.
Ресми түрде демалыс 10 күнге созылады. Алайда оның жартысы – 1-4 қаңтар және 7 қаңтар – еліміздегі жалпы мереке және демалыс күндеріне сәйкес келеді.
Бұған дейін Оқу-ағарту министрлігі демалыс күндерін мерекесі жоқ күндерге ауыстыру жоспарда жоқ екенін мәлімдеген. Ведомствоның мәліметінше, каникулдарды ұзарту немесе ауыстыру оқу күндерінің қысқаруына және бағдарламаның толық орындалмауына әкеледі.
Сонымен қатар елімізде ЖРВИ жұқпасының артуына байланысты көптеген мектептер қашықтан оқытуға көшкен. 27 қарашадағы мәліметке сәйкес, Қазақстан бойынша шамамен 10 мың сынып онлайн оқуға жіберілген.
